नेपाली - भारतीयमुलका क्यानेडियन ब्यबसायी आदित्य झाद्वारा नेपाल लगाएत विश्वभर नै शिक्षा क्षेत्रमा उल्लेखनीय योगदान दिने ।
हजार डलरको व्यवसायलाई सय मिलियन डलरको सफलतामा रूपान्तरण गरेका नेपाली–भारतिय मुलका क्यानेडियन उद्यमी आदित्य झा हाल नेपालमा शिक्षा र डिजिटल साक्षरता क्षेत्रमा उल्लेखनीय प्रभाव पारिरहेका छन्।
POA Educational Foundation मार्फत झाले नेपालका दुर्गम क्षेत्रका विद्यालयहरूमा ल्यापटप, डेस्कटप र प्रिन्टर दान गर्नुका साथै ग्रामीण गाउँहरूमा पुस्तकालय स्थापनामा सहयोग गर्दै आएका छन्। सन् २०२४ मा फाउन्डेसनले मोबाइल पुस्तकालय कार्यक्रम विस्तार गर्दै विद्यालय पहुँच सीमित भएका विद्यार्थीहरूसम्म शैक्षिक सामग्री पुर्याउने काम सुरु गरेको छ।
झाले नेपाल मात्र नभई विश्वभरका युवाहरूलाई सशक्त बनाउने उद्देश्यसहित क्यानडाका आदिवासी (Aboriginal) विद्यार्थीहरू समेतलाई मार्गदर्शन र व्यवसायिक तालिम कार्यक्रममार्फत सहयोग गर्दै आएका छन्। झाले हाल विश्वभर २०० भन्दा बढी छात्रवृत्ति प्रदान गरिरहेका छन्।