अंग्रेजी भाषामा लेखिएका तीन कृति एकैपटक सार्वजनिक

काठमाडौं । एउटै परिवारका तीन सर्जकका अंग्रेजी भाषामा लेखिएका तीन कृति एकैपटक सार्वजनिक भएका छन् । आठ वर्षीय सुक्ष्मांक जैसीको ‘क्रिएटिभ स्क्रिबल्स’, १४ वर्षीय सुक्ष्मय जैसीको ‘फस्फर’ र १९ वर्षीय सुशांक जैसीको ‘नेसमाज’ शीर्षकका कृति आइतबार काठमाडौंमा आयोजित एक कार्यक्रममा सार्वजनिक गरिएको हो ।

कार्यक्रमका प्रमुख अतिथि साहित्यकार तथा समालोचक प्रमोद प्रधानले तीनै दाजुभाइका कृति एकैपटक सार्वजनिक गर्न पाउँदा आफूलाई विशेष खुसी लागेको बताए । कम उमेरमै सिर्जनात्मक क्षेत्रमा उनीहरूले देखाएको रुचि र सक्रियता प्रशंसनीय रहेको उल्लेख गर्दै प्रधानले यस्ता प्रयासले बाल तथा युवा पुस्तामा लेखनप्रतिको उत्साह बढाउन सहयोग पुग्ने बताए ।

तीनै कृतिले फरक उमेरका सर्जकहरूको सिर्जनशीलता, कल्पनाशक्ति र अंग्रेजी भाषामा साहित्य सिर्जना गर्ने रुचिलाई प्रस्तुत गरेका छन् ।